Morgunblaðið | 29.9.2021 | 9:45 | Uppfært 4.10.2021 9:49

Ráðgjöf um veiðar næsta árs á morgun

Í byrjun nóvember þegar Bjarni Sæmundsson HF 30 kom til hafnar á Húsavík en hann var í haustleiðangri Hafró. mbl.is/Hafþór Hreiðarsson

Á morgun mun Alþjóðahafrannsóknaráðið (ICES) veita ráðgjöf um veiðar næsta árs fyrir kolmunna, makríl og norsk-íslenska síld.

Þetta kemur fram í tilkynningu á vef Hafrannsóknastofnunar.

Hægt verður að nálgast ráðgjöfina á vef ICES og einnig Hafrannsóknastofnunar.

Einnig mun ICES birta ráðgjöf um veiðar á úthafskarfastofnum næsta mánudag en lengi hefur stofnunin bannað slíkar veiðar.

Þá mun Hafrannsóknastofnun einnig veita ráð um aflamark loðnu fyrir komandi vertíð á föstudag en leiðangri rannsóknarskipanna Árna Friðrikssonar og Bjarna Sæmundssonar lauk í síðustu viku. Er nú verið að vinna úr gögnum og útreikningum sem fengust úr þeirri ferð.

Frétt af mbl.is

Ráðgjöf um loðnuveiðar í næstu viku

„Útreikningum á niðurstöðum leiðangurs undanfarinna vikna er ekki að fullu lokið en frumniðurstöður sýna að þær væntingar sem voru um veiðar komandi vertíðar munu standast. Því er fyrirséð að Hafrannsóknastofnun mun leggja til aukningu aflamarks þegar útreikningum á stærð veiðistofnsins verður að fullu lokið,“ segir í tilkynningunni.