Landhelgisgæslan hefur birt myndband á facebooksíðu sinni af aðgerðum næturinnar. Var TF-GRO kölluð út í nótt eftir að skúta strandaði við Æðey í Ísafjarðardjúpi og voru skipverjarnir hífðir um borð.
Fyrst á vettvang voru rannsóknaskipið Bjarni Sæmundsson og björgunarskipið Kobbi Láka, en komust ekki að skútunni í næturmyrkrinu. Var fjögurra manna áhöfn skútunnar því hífð um borð í þyrluna.