Jóhanna Guðrún sló í gegn

Það virðist hafa komið landsmönnum mjög svo á óvart að ein ástsælasta tónlistarkona landsins, Jóhanna Guðrún Jónsdóttir, ætti von á sínu þriðja barni. Fréttin var sú mest lesna á barnavef mbl.is á árinu. 

Barnavefurinn greindi frá því í nóvember síðastliðnum að hún ætti von á barni með nýjum kærasta sínum, Ólafi Friðriki Ólafssyni, en sama dag höfðu fréttir borist af því að þau væru tekin saman aftur á ný.

Frétt af mbl.is

Jóhanna Guðrún á von á barni með nýja kærastanum

Fréttir af nýjum börnum þóttu hvað fréttnæmastar á barnavefnum þetta árið, en það sem þótti næstfréttnæmast var að María Jóna Magnús­dótt­ir, fram­kvæmda­stjóri Bíl­greina­sam­bands­ins, og sam­býl­ismaður henn­ar Emil Þór Vig­fús­son ættu von á öðru barni sínu, en fyr­ir eiga þau son­inn Elm­ar Aríus sem varð tveggja ára í fe­brú­ar. Emil á tvo syni úr fyrra hjóna­bandi. María og Emil hafa verið sam­an frá ár­inu 2018.

Frétt af mbl.is

María og Emil eiga von á öðru barni

Í apríl greindi barnavefurinn frá því að söngkonan Þórdís Imsland og tannlæknirinn Sigurjón Örn Böðvarsson hefðu ákveðið að eignast barn saman sem vinir. Mikið hefur farið fyrir hinum nýbökuðu foreldrum í fjölmiðlum á árinu, en þau eignuðust lítinn son fyrr á þessu ári og búa saman með drenginn litla sem vex og dafnar. 

Frétt af mbl.is

Ákváðu að eignast barn saman sem vinir

Þórdís Imsland og Sigurjón Örn Böðvarsson.

Barnavefurinn ræddi við uppistandarann Jakob Birgisson í apríl um föðurhlutverkið. Jakob eignaðist sitt fyrsta barn, dótturina Herdísi, með sambýliskonu sinni Sólveigu Einarsdóttur. Jakob er aðeins 22 ára gamall og segir það hafa verið með ráðum gert að hefja barneignir snemma svo hann gæti verið laus allra mála um fimmtugt.

Frétt af mbl.is

Laus allra mála um fimmtugt

Nafngiftir barna vekja alltaf mikla athygli. Það þótti því nokkuð fréttnæmt þegar fótboltamaðurinn Gylfi Þór Sigurðsson og náttúrukokkurinn Alexandra Helga Ívarsdóttir gáfu dóttur sinni sjaldgæft nafn. Litla stúlkan fékk nafnið Melrós Mía og var sú fimmta á Íslandi til að fá nafnið Melrós. 

Frétt af mbl.is

Dóttir Gylfa og Alexöndru heitir sjaldgæfu nafni

Alexandra Helga Ívarsdóttir og Gylfi Þór Sigurðsson.