Morgunblaðið | 7.2.2022 | 8:00

Tíu guðdómlegar grískar eyjar

Santorini er falleg eyja. Ljósmynd/Pexels/Jimmy Teoh

Íslenskir sóldýrkendur þekkja spænskar eyjar á borð við Tenerife og Mallorca vel. Gríska eyjahafið er líka guðdómlegt og það er svo miklu meira í boði en bara Krít. Af hverju ekki að skella sér í gríska eyjahafið í sumar? Condé Nast Traveller tók saman bestu grísku eyjarnar.

Santorini

Santorini er ein þekktasta grískan eyjan og ekki að ástæðulausu. Eyjan er fullkomin fyrir þá sem eru að koma í fyrsta skipti til Grikklands eða vilja eiga nokkra rómantíska daga í brúðkaupsferð.

Hydra

Eyjan er sögð einstaklega góð fyrir fólk sem er áhugafólk um list. Lengi vel hefur heimsþekkt fólk út listaheiminum sótt eyjuna heim á sumrin. Grikkir fara í helgarferðir til Hydra til þess að slaka á.

Hydra. Ljósmynd/Unsplash.com/Mauricio Muñoz

Syros

Eyjan er mikil menningareyja. Hún er undir miklum ítölskum áhrifum sem sést vel í 19. aldar bænum Ermoupoli.

Amorgos

Eyjan Amargos er afskekkt en þegar vindur er mikill tekur það átta tíma með ferju að komast frá Aþenu á eyjuna. Það margborgar sig hins vegar ef fólk í leit að fallegum bláum sjó og víðáttu. Geiturnar eru fleiri en íbúarnir sem eru um tvöþúsund.

Amorgos. Ljósmynd/Unsplash.com/Johnny Chen

Sifnos

Eyjan Sifnos er eyja sem er þekkt fyrir matarmenningu sína. Kokkurinn Nicholas Tselementes var frá eyjunni en hann skrifaði fyrstu grísku kokkabókina árið 1910.

Kefalonía

Kefalónía er frábær eyja fyrir afslappað fjölskyldufrí. Það er hægt að njóta þess að slaka á fallegum ströndum eyjunnar eða skoða dýr í þjóðgarðinum Mount Ainos.

Kefalonía. Ljósmynd/Unsplash.com/Mac McDade/

Milos

Landslagið á Milos er einstaklega myndrænt og fallegt. Eyjan er sögð búa yfir fallegustu strandlengju grísku eyjanna.

Corfu

Eyjan Corfu er undir alþjóðlegum áhrifum og má finna fallega pastellitaða smábæi. Á sama tíma er umhverfi eyjunnar afskaplega fallegt og víða að finna bestu strendur í Evrópu.

Corfu. Ljósmynd/Unsplash.com/Chris Karid

Serifos

Ef þú vilt fara á nektarströnd þá er eyjan Serifos málið. Á háannartíma eru hægt að fá að vera í friði allsber í sjónum enda margar strendur afskekktar og þarf að leggja mikið á sig til þess að komast þangað.

Mykonos

Ef fólk er í leit að lúxus þá er Mykanos málið. Eyjan er klárlega besta grískan eyjan fyrir alvöru djamm og lúxushótel.