Morgunblaðið | 22.2.2022 | 15:55

„Gæfa að strandveiðum var komið á“

Örn Pálsson, framkvæmdastjóri Landssambands smábátasjómanna, skrifar í aðsendri grein í Morgunblaðinu í dag að strandveiðar hafi sýnt að þær hafa verið jákvæð breyting í fiskveiðistjórnunarkerfinu. mbl.is/Golli

„Það er mikil gæfa sjávarútvegsins að strandveiðum var komið á árið 2009 og festar í lög ári síðar. Hundruð sjómanna með útgerðarblóð í æðum flykktust á sjó og hófu veiðar með handfærum, strandveiðar,“ skrifar Örn Pálsson, framkvæmdastjóri Landssambands smábátaeigenda (LS), í aðsendri grein í Morgunblaðinu í dag.

Þar segir hann strandveiðarnar ekki einungis hafa veitt nýjum aðilum tækifæri til útgerðar heldur auk þess létt undir með þeim sem gera út með litlar aflaheimildir. Vísar Örn til þess að 672 hafi tekið þátt í strandveiðunum síðasta sumar.

Aflaheimildum sem ætlað er strandveiðum í sumar nema 8.500 tonnum sem er 15% minna en voru 10 þúsund tonn á síðasta ári. LS hefur mótmælt skerðingunni og hkrefjast þess að öllum sem taka þátt í veiðunum verði tryggðir 48 veiðidagar.

Frétt af mbl.is

Ráðherra sagður valda „ólýsanlegum vonbrigðum“

„Metnaður manna um gæði aflans er gríðarlegur og launin fyrir það sjást á uppgjöri frá fiskmörkuðum þar sem verð er í hæstu hæðum. Meðalverð á óslægðum þorski á handfæri á sl. sumri var 349 kr./kg sem er rúmlega 70% hærra en útgefið verð frá Verðlagsstofu skiptaverðs var fyrir þriggja kílóa þorsk. Tekjupóstar til löndunarstaða taka margir hverjir mið af aflaverðmæti þannig að nærvera strandveiðibáta er þeim kærkomin,“ skrifar Örn.

Í pistli á vef Samtaka fyrirtækja í sjávarútvegi fullyrti Heiðrún Lind Marteinsdóttir, framkvæmdastjóri samtakanna, athygli á því að það hefði verið viðvarandi vandamál hjá strandveiðisjómönnum að skila afurð í nægilega miklum gæðaflokki. Benti hún meðal annars á skýrslu Matís, Matvælastofnun og Fiskistofu frá 2011.

Heiðrún Lind sagði jafnframt sanngirnismál að skerðingar í þorskkvótanum nái jafnt til allra sem stunda veiðar.

Frétt af mbl.is

Krafa um auknar strandveiðar sögð illa ígrunduð

Auki rekstraröryggi

Örn segir í grein sinni strandveiðar tryggja framboð af þorski á þeim tíma sem alla jafna er lítið framboð á fiskmörkuðum og

„Strandveiðar hafa tryggt rekstur fiskmarkaða og þar með tilveru margra lítilla og meðalstórra fiskvinnslufyrirtækja. Því kom ekki á óvart að í fyrra skoraði stjórn Samtaka fiskframleiðenda og útflytjenda (SFÚ) á ráðherra að nægjanlegar veiðiheimildir yrðu tryggðar til þess að strandveiðimenn geti lokið veiðitíma sínum,“ skrifar hann í grein sinni.