Morgunblaðið | 25.3.2022 | 12:13

„Þurfum öll að vera undirbúin fyrir það óvænta“

Þriðja forvarnarspjaldið er komið út.

Þriðja forvarnarspjaldið er komið út. Mynd/Samgöngustofa

„Það er mikilvægt að skipverjar kunna að takast á við hættur og óvæntar uppákomur því skortur á því getur leitt til rangra viðbragða sem leitt geta til alvarlegra slysa. Við þurfum öll að vera ætíð undirbúin fyrir það óvænta og í því sambandi skiptir fræðsla mestu máli,“ segir Einar Magnús Magnússon, sérfræðingur á öryggis- og fræðsludeild Samgöngustofu, í tölvupósti til blaðamanns.

Tilefni orða Einars er að fyrr í þessum mánuði kom út þriðja veggspjaldið undir merkjum „12 hnúta“ en að þessu sinni er það undir fyrirsögninni „Skortur á fræðslu og þjálfun”.

Hefja átak gegn slysum á sjó

Frétt af mbl.is

Hefja átak gegn slysum á sjó

Forvarnarherferðin, sem kynnir til sögunnar veggspjald í hverjum mánuði, er unnin í samstarfi við helstu sérfræðinga í öryggismálum sjómanna, sem eru skólastjóri, kennarar og leiðbeinendur Slysavarnaskóla sjómanna.

Samtök fyrirtækja í sjávarútvegi hafa séð um dreifingu efnisins til hagaðila og er fjöldi viðtakenda á fjórða hundrað, upplýsir Einar. „Við viljum þakka SFS sérstaklega fyrir þeirra vinnu og framtak í þessu mikilvæga verkefni,“ skrifar hann.

Forvarnarspjöldin hafa fengið mjög góðar viðtökur

Frétt af mbl.is

Forvarnarspjöldin hafa fengið mjög góðar viðtökur

[Fara efst á síðu]