Morgunblaðið | 29.3.2022 | 5:30 | Uppfært 11:06

Eitt kíló á átta til tólf milljónir króna

Rauðáta er krabbadýr.

Rauðáta er krabbadýr. Ljósmynd/Calanus AS

„Það verður ekkert úr veiðum á rauðátu nema rannsóknirnar komi vel út. Þetta er spennandi verkefni,“ sagði Hörður Baldvinsson, framkvæmdastjóri Þekkingaseturs Vestmannaeyja, en setrið hefur fengið rannsóknarleyfi til tilraunaveiða á rauðátu.

Kanna á hvort heppilegt sé að veiða rauðátuna og leita eftir efnum sem hægt er að vinna úr henni.

Að sögn Harðar eru ýmis eftirsóknarverð efni í rauðátu. Eitt þeirra er efnið astaxanthin en það er meðal annars notað í meðferð við sykursýki. Markaðsverð af einu kílói af efninu er á bilinu 8-12 milljónir króna.

Til að fá eitt kíló af þessu verðmæta efni þarf ellefu tonn af rauðátu en þess má geta að hver rauðáta er á stærð við hrísgrjón.

Leynast verðmæti í örlitlu krabbadýri?

Frétt af mbl.is

Leynast verðmæti í örlitlu krabbadýri?

[Fara efst á síðu]