Morgunblaðið | 31.3.2022 | 13:30

Lægri ráðjöf og ákall um bætt eftirlit

Grásleppu landað á Húsavík í fyrra. mbl.is/Hafþór Hreiðarsson

Hafrannsóknastofnun ráðleggur að veiðar á grásleppu fiskveiðiárið 2021/2022 verði ekki meiri en 6.972 tonn, að því er fram kemur í tilkynningu á vef stofnunarinnar. Um er að ræða tæplega 23% samdrátt í ráðlögðum hámarksafla frá síðasta ári er ráðgjöfin nam 9.040 tonnum.

„Ráðgjöfin byggir að mestu á stofnvístölu úr stofnmælingu botnfiska í mars 2022 en hún var nálægt langtíma meðaltali. Stofnvísitölur hrognkelsa sveiflast milli ára sem endurspeglar að hluta til óvissu í mælingunum. Vegna þessa vegur stofnvísitala sama árs 70% á móti 30% vægi vísitölu fyrra árs við útreikning ráðlagðs hámarksafla, en vísitala síðasta árs var sú hæsta frá upphafi mælinga 1985,“ segir í tilkynnignunni.

Bæta þurfi skráningu og eftirlit

Samhliða ráðgjöfinni nú leggur Hafrannsóknastofnun til að upphafaflamark grásleppuvertíðar næsta árs verði 1.627 tonn en endanleg ráðgjöf vegna veiðanna mun liggja fyrir að lokinni stofnmælingu vorið 2023.

„Jafnframt ítrekar stofnunin að bæta þurfi skráningu meðafla og eftirlit með brottkasti við grásleppuveiðar,“ segir í ráðgjafarskjali stofnunarinnar.