Morgunblaðið | 1.4.2022 | 9:13

Undirrituðu samning um smíði rannsóknaskips

Frá undirritun smaningsins síðdegis í gær. mbl.is/Árni Sæberg

Þorsteinn Sigurðsson, forstjóri Hafrannsóknastofnunar, Bjarni Benediktsson fjármálaráðherra og Svandís Svavarsdóttir matvælaráðherra skrifuðu í gær undir samning um smíði nýs hafrannsóknaskips, ásamt fulltrúa skipasmíðastöðvarinnar Astilleros Armón, en skipið verður smíðað í stöðinni í Vigo á Spáni.

Nýtt hafrannsóknaskip mun vera hið glæsilegasta. Mynd/Hafrannsóknastofnun

Skipinu er ætlað að koma í stað rannsóknaskipsins Bjarna Sæmundssonar sem smíðað var 1970 af Schiffbau-gesellschaft í Bremerhaven í því ríki sem þá nefndist Vestur-Þýskaland.

Gert er ráð fyrir að nýtt rannsóknaskip komi tilbúið til Íslands 2024. Tilboð Armón í smíðin nam 33,45 milljónum evra, jafnvirði 4,8 milljarða íslenskra króna.