Færri á grásleppu en í fyrra

Löndun grásleppu á Húsavík í fyrra. Mun minni afla hefur …
Löndun grásleppu á Húsavík í fyrra. Mun minni afla hefur verið landað á vertíð ársins. mbl.is/Hafþór Hreiðarsson

Sókn í grá­sleppu hef­ur verið mun minni í ár held­ur en á síðustu vertíð og færri bát­ar stundað veiðar. Afli í róðri hef­ur sömu­leiðis verið mun minni en í fyrra. Aðeins verðið virðist hafa hækkað á milli ára og seg­ir Örn Páls­son, fram­kvæmda­stjóri Lands­sam­bands smá­báta­eig­enda, að hæsta verð sem hann hafi heyrt um í föst­um viðskipt­um í ár sé 180 krón­ur fyr­ir kíló af heilli grá­sleppu, en al­gengt verð í fyrra var 130-135 krón­ur.

Nú eru leyfðir veiðidag­ar alls 25 og þurfa þeir að vera sam­felld­ir frá fyrsta róðri, en voru 35 í fyrra. Grá­sleppu­nefnd LS lagði þenn­an daga­fjölda til við mat­vælaráðherra vegna minni eft­ir­spurn­ar og birgða af hrogn­um frá met­vertíðinni í fyrra. Alls hafa 105 bát­ar landað grá­sleppu í vor. Um helm­ing­ur þeirra hef­ur lokið vertíð, en um helg­ina voru 53 með virk leyfi. Á sama tíma í fyrra höfðu 133 bát­ar landað afla. Skráður meðalafli á bát er nú 14,8 tonn, en var 27,8 tonn á síðasta ári. Grá­sleppu­vertíð byrj­ar fyrst fyr­ir norðaust­an og norðan land, en fær­ist síðan suður með Vest­fjörðum.

Fram að helgi höfðu 444 tonn af heilli grá­sleppu verið seld á fisk­mörkuðum fyr­ir 177 krón­ur á kíló að meðaltali. Magnið er minna en í fyrra, en verðið hærra. Fimmtán tonn af grá­sleppu­hrogn­um hafa verið seld á mörkuðunum fyr­ir 736 krón­ur á kíló að meðaltali og er það 47% hærra verð á mörkuðunum held­ur en í fyrra þegar verðið fyr­ir kíló af hrogn­um var 500 krón­ur.

Nán­ar um málið
í Morg­un­blaðinu
Áskrif­end­ur:
Nán­ar um málið
í Morg­un­blaðinu
Áskrif­end­ur: