Starfsemi Heilsugæslunnar í Grafarvogi mun flytja tímabundið í önnur húsakynni á næstunni eftir að upp komst um myglu í húsnæðinu. Vágesturinn hefur haft áhrif á starfsemina þar sem starfsfólk hefur orðið fyrir barðinu á honum.
„Það er rétt að mygla fannst í húsnæði Heilsugæslunnar í Grafarvogi. Því miður hafa þrír starfsmenn fundið fyrir verulegum óþægindum vegna þessa,“ segir Jónas Guðmundsson, framkvæmdastjóri fjármála og reksturs Heilsugæslu höfuðborgarsvæðisins. Jónas er staðgengill forstjórans sem er í fríi sem stendur.
Lesa má nánar um málið í Morgunblaðinu í dag.