Morgunblaðið | 6.7.2022 | 12:38

Lilja gagnrýnir Svandísi harðlega

Lilja Rafney Magnúsdóttir. mbl.is/Sigurður Bogi

Lilja Rafney Magnúsdóttir, fyrrverandi þingmaður Vinstri grænna, gagnrýnir Svandísi Svavarsdóttur matvælaráðherra harðlega fyrir áætlanir um að taka upp svæðaskiptingu á kvóta strandveiðanna á nýjan leik.

Frétt af mbl.is

Leggur til svæðaskiptingu strandveiða á ný

Lilja Rafney segir Svandísi kjósa að brjóta niður núverandi kerfi sem mikil þverpólitísk vinna hafi verið lögð í, í stað þess að tryggja nægar aflaheimildir fyrir strandveiðikerfið í 48 daga á öllu landinu.

Hugsi hvort hún eigi samleið með VG

„Ég er hugsi yfir því hvort ég eigi samleið með Vinstri grænum lengur þegar svo illa ígrundaðar ákvarðanir eru gerðar án samráðs þvert á stefnu VG um að efla Strandveiðar!“ skrifar Lilja Rafney á facebooksíðu sína.

Smábátasjómenn á Norðausturlandi eru afar óánægðir með fyrirkomulag strandveiða og telja það fela í sér grófa mismunun á milli veiðisvæða, eins og fram kom í fréttaskýringu í Morgunblaðinu í gær.