Morgunblaðið | 19.7.2022 | 13:17

Fagnaðarfundir Bens Stiller og Ólafs Darra

Ólafur Darri Ólafsson og Ben Stiller hittust í Stykkishólmi á dögunum til að fagna því að tíu ár eru liðin síðan kvikmyndin The Secret Life of Walter Mitty var tekin upp.

Leikararnir Ben Stiller og Ólafur Darri Ólafsson virtust verulega kátir að hitta hvorn annan í Stykkishólmi á dögunum. Stiller birti myndband af þeim félögum þegar þeir hittust.

Greint var frá því í síðustu viku að Stiller hafi verið hér á landi og meðal annars sést í Flatey á Breiðafirði með Ólafi Darra.

Stiller skrifaði um sína nýjustu Íslandsför á Twitter í dag, en þeir Ólafur Darri fögnuðu því að tíu ár er frá því að The Secret Life of Walter Mitty var tekin upp hér á landi. Stiller segir Stykkishólm vera einn af sínum uppáhaldsstöðum.

Had a great 10 year reunion with my old friend ⁦@OlafurDarri⁩ in one of my favorite places.

So beautiful in #Stykkishólmur #Iceland

I so appreciate all the fans of
#SecretLifeOfWalterMitty. 🙏🚁🌋 pic.twitter.com/PpdgMpE2lP
— Ben Stiller (@BenStiller) July 19, 2022