Morgunblaðið | 20.7.2022 | 15:49

Strandveiðar klárast á morgun

Fiskistofa gerir ráð fyrir að aflinn sem skilar sér á strandveiðum á morgun verður sá síðasti í ár, enda eru þá heimildirnar búnar. Ljósmynd/Líney Sigurðardóttir

„Að öllu óbreyttu verður síðasti dagur strandveiða á morgun,“ segir í tilkynningu á vef Fiskistofu. Með þessu verður því engin strandveiði í ágúst.

Fiskistofa segir aðeins 400 tonn af þorski eftir af þeim aflaheimildum sem ætlað er strandveiðum í ár og þarf að taka tillit til þess að allar löndunartölur dagsins í dag hafi ekki skilað sér. „Meðalafli á dag er um 350 tonn og telur Fiskistofa meiri líkur en minni að potturinn klárist á morgun,“ segir í tilkynningunni.