Morgunblaðið | 13.10.2022 | 12:20

Skoða þurfi auknar lögbundnar skyldur útgerða

Í grienargerð um stöðu haf- og fiskirannsókna eru fjöldi tillagna um breytta umgjörð hafrannsókna. mbl.is/Sigurður Bogi

Skoða þarf hvort leggja megi auknar lögbundnar skyldur á útgerðina til að leggja sitt af mörkum við rannsóknir. Annars vegar í formi gagna, eins og til að mynda með rafrænu eftirliti veiða og rafrænum aðgangi að veiði- og vinnslugögnum, og hins vegar í formi skipatíma.

Þetta er meðal þess sem lagt er til í nýútkominni greinargerð um stöðu haf- og fiskirannsókna og leiðir til að efla þær, sem afhent var Matvælaráðuneytinu á dögunum.

Þar segir að meðal annars að þurfi að efla rannsóknir til muna og er lagt til að skoðað verði hvort hægt sé að veita fyrirtækjum skattalegan afslátt eða skattalega ívilnun fyrir framlag til rannsóknastarfseminnar, til að mynda að telja slíkt framlag sem hluta veiðileyfagjalds þeirra.

Fjallað er nánar um tillögur greinargerðarinnar í Morgunblaðinu í dag.