Morgunblaðið | 21.10.2022 | 22:06 | Uppfært 20.3.2023 12:40

Gervigreindarforrit getur ekki verið uppfinningamaður

Gervigreindarforrit var ekki talið geta verið uppfinningamaður í einkaleyfisumsókn. Ljósmynd/Colourbox

Áfrýjunardómstóll í Bandaríkjunum hefur hafnað beiðni tölvunarfræðingsins Stephen Thaler um endurupptöku í máli sem snýr að því hvort að gervigreindarforrit geti talist vera uppfinningamaður þegar sótt er um einkaleyfi fyrir uppfinningu. Lögmaður Thaler segir að úrskurðinum verði skotið til Hæstaréttar Bandaríkjanna.

Reuters greinir frá.

Thaler heldur því fram að forrit hans, DABUS, ætti að geta talist uppfinningamaður. Því hefur verið hafnað af yfirvöldum og síðar dómstólum í Bandaríkjunum þar sem ekki sé um að ræða einstakling. Þá hefur því verið hafnað af Evrópusambandinu og Ástralíu.