Morgunblaðið | 3.11.2022 | 20:21

Grínaðist um ástarlíf sitt og klámáhorf

Drake. AFP

Kanadíski rapparinn Drake kom mörgum á óvart þegar hann birti klippu úr viðtali við Howard Stern þar sem hann viðurkennir að hann horfi á „fyrsta flokks“ klám á hverjum degi og sé iðulega að hitta „fjórar til fimm konur á sama tíma“.

Myndbrotið fór sem eldur í sinu á netinu og olli miklu fjaðrafoki, en nú hefur rapparinn stigið fram og segir viðtalið vera gabb, en það er hluti af öðru fölsuðu efni sem Drake hefur gefið út ásamt 21 Savage, en sameiginleg plata þeirra Her Loss er væntanleg á föstudaginn.

Í myndbandinu notaði Drake spurningar úr samtali Sterns við Jerrod Carmichael frá því í apríl.

Bara „fyrsta flokks“ klám

Í myndbrotinu segist Drake aðeins horfa á „fyrsta flokks“ klám. „Það er það sem ég stilli á dagsdaglega. Þetta eru alvöru stórstjörnur heimsins fyrir mér,“ sagði Drake. Hann viðurkennir einnig að iðulega sé hann að hitta fjórar til fimm konur á sama tíma.

View this post on Instagram

A post shared by champagnepapi (@champagnepapi)

Það voru margir sem féllu fyrir gríninu, en undir myndbrotinu má sjá fjölmörg ummæli þar sem aðdáendur sögðust afar spenntir fyrir að heyra viðtalið í heild sinni.