Á haustin er mikilvægt að slaka aðeins á og jarðtengja sig eftir annasamt sumar. Þá er tilvalið að skella sér út og upplifa þá töfrandi litagleði sem náttúran hefur upp á að bjóða, en það er ekki að ástæðulausu sem náttúran er talin skarta sínu fegursta á þessum árstíma.
Þetta veit bandaríski snyrtivöruframleiðandinn OPI sem gaf nýverið út haustlínu með naglalökkum í guðdómlegum haust- og jarðtónum. OPI veit líka að haustinu fylgir kuldi, veðursfarsbreytingar og meira myrkur og því er mikilvægt að lífga upp á daginn með fallegum litum sem gleðja augað.
Haustlínan ber heitið Fall Wonders, eða undur haustsins og endurspeglar sannarlega litina. Alls eru tólf mismunandi litir í línunni sem eiga það sameiginlegt að vera djúpir, róandi og töfrandi.
Rauðir, gulir, fjólubláir og appelsínugulir tónar minna helst á litskrúðug laufblöðin í haustsólinni. Djúpir bláir og fjólubláir tónar minna á hafið og himininn á köldum haustdögum.
Brúnn, grár og drapplitaður gefa jarðtenginguna sem við þurfum til að undirbúa okkur fyrir veturinn. Til að toppa línuna má svo finna gylltan og svartan lit með fjólublárri sanseringu fyrir þá sem vilja aðeins meiri glamúr.