Morgunblaðið | 10.11.2022 | 8:00

Í lúxusbrúðkaupsferð með draumaprinsinum

Nýgiftu hjónin Grant Troutt og Madison Prewett eru afar lukkuleg hvort með annað. Skjáskot/Instagram

Það væsir ekki um nýgiftu hjónin Grant Troutt og Madison Prewett sem eru um þessar mundir stödd í mikilli lúxusbrúðkaupsferð á Los Cabos í Mexíkó.

Troutt og Prewett gengu í hið heilaga í síðasta mánuði við vægast sagt glæsilega athöfn í Texas með 400 gestum. Nú njóta þau sín í botn sem nýgift hjón og sleikja sólina.

Frétt af mbl.is

Bachelor-stjarna fann draumaprinsinn

Fann draumaprinsinn eftir Bachelor-ævintýrið

Árið 2020 var Prewett þátttakandi í 24. þáttaröð raunveruleikaþáttanna The Bachelor þar sem hún keppti um hjarta piparsveinsins Peters Weber, en hún hafnaði í öðru sæti í þáttaröðinni. Tveimur árum síðar hefur hún loks fundið draumaprinsinn sem fór á skeljarnar fyrir rúmum þremur mánuðum, en þá höfðu þau verið par í átta mánuði.

Bachelor-stjarnan birti myndaröð frá brúðkaupsferðinni á Instagram-reikningi sínum á dögunum, en af myndum að dæma er rómantíkin í hámarki hjá hjónunum.

View this post on Instagram

A post shared by Madison Prewett Troutt (@madiprew)

Gista í lúxusvillu

Prewett sýndi einnig lúxusvilluna sem hjónin gista í, en þegar þau mættu tók á móti þeim haf af rauðum blöðrum og „Mr & Mrs Trout“-blöðrur prýddu gólfsíðan glugga með stórkostlegu útsýni.

Í framhaldinu má sjá einkasundlaug við villu hjónanna og fallega verönd, en af myndböndunum að dæma er villan afar glæsileg og ekki amalegur staður til að njóta með ástinni sinni.