Morgunblaðið | 16.11.2022 | 22:00

Þingnefndin taki mið af athugasemdum Bankasýslunnar

Hildur Sverrisdóttir, þingmaður Sjálfstæðisflokksins. mbl.is/Golli

Hildur Sverrisdóttir, þingmaður Sjálfstæðisflokksins og nefndarmaður í stjórnskipunar- og eftirlitsnefnd Alþingis, segir athugasemdir Bankasýslu ríkisins vegna stjórnsýsluúttektar Ríkisendurskoðunar allrar athygli verðar.

Hún segir á samfélagsmiðlum sínum í kvöld að ef athugsemdir Bankasýslunnar reynist réttar hafi Ríkisendurskoðun að hennar mati ekki staðið nógu faglega að skýrslugerð sinni gagnvart Alþingi.

Frétt af mbl.is

Hefðum átt að leggja meiri áherslu á að upplýsa almenning

„Stjórnskipunar og eftirlitsnefnd verður að taka mið af þessum nýju upplýsingum í meðferð sinni á málinu hér eftir,“ segir Hildur sem situr sem fyrr segir í nefndinni.

Fulltrúar Bankasýslunnar áttu í morgun fund með stjórnskipunar- og eftirlitsnefnd Alþingis. Þá birti stofnunin í morgun umræddar athugsemdir á vef sínum, en fulltrúar hennar hafa í dag gagnrýnt að ekki hafi verið tekið tillit til þeirra í úttekt Ríkisendurskoðunar.

Fyrr í kvöld var greint frá því að nefndin hefði óskað eftir öðrum fundi með fulltrúum Bankasýslunnar, en óvíst er hvenær hann fer fram.