Ísak Hinrikson og Elín Metta Jensen eru nýtt par, en Elín Metta birti fallega mynd af þeim á Instagram-reikningi sínum á dögunum.
Elín Metta er læknisfræðinemi og fyrrverandi landsliðskona í knattspyrnu, en hún lagði fótboltaskóna á hilluna í október síðastliðnum eftir farsælan feril.
Ísak hefur unnið að kvikmyndagerð og meðal annars leikstýrt stuttmyndunum Skeljar og Afsakið. Þá hefur hann einnig leikið í kvikmyndum á borð við Svartur á leik og Falskur fugl ásamt hinum vinsælu þáttum Fangavaktinni.
Smartland óskar þeim innilega til hamingju með ástina!