Fyrrverandi kærustuparið, söngkonan Svala Björgvinsdóttir og Kristján Einar Sigurbjörnsson, eru hætt að fylgja hvort öðru á samfélagsmiðlinum Instagram. Parið var duglegt að sýna hvort annað á Instagram á meðan þau voru saman, en upp úr sambandi þeirra slitnaði þegar hann var handtekinn á Spáni í mars á þessu ári. Í síðustu viku losnaði hann úr fangelsinu og er nú kominn hingað til lands eftir viðburðaríkan tíma á Spáni.
Eftir að upp úr sambandi Svölu og Kristjáns Einars slitnaði hóf hún samband við Alexander Alexandersson.
Svala og Kristján Einar byrjuðu saman í ágúst árið 2020. Þau trúlofuðu sig í desember sama ár og fengu sér samstæð húðflúr. Hún lét húðflúra lás með hjarta á höndina á sér og hann lét húðflúra lykil sem gekk að lásnum. Þótt húðflúrið hafi verið táknrænt á sínum tíma þá getur lás þýtt hvað sem er líkt og lykill.