Morgunblaðið | 10.12.2022 | 9:54 | Uppfært 15:39

Íslensk lausn bætir öryggi sjófarenda

Níels Adolf Guðmundsson, Hörður Þór Benediktsson og Þórarinn Heiðar Harðarson hafa komið Strandvara á markað. Tækið á að koma í veg fyrir að bátar sigli í strand. mbl.is/Eggert Jóhannesson

Strand bátsins Jónínu Brynju við Straumnes 25. nóvember 2012 fékk Hörð Þór Benediktsson til að velta fyrir sér hvort ekki væri hægt að búa til tæki sem myndi koma í veg fyrir að glænýir bátar fullhlaðnir nýjustu siglingatækjum myndu sigla í strand, en fjöldi báta strandar á ári hverju vegna þess að skipstjórnandi sofnar við stýrið eða er annars hugar.

Hófst Hörður handa og gat hann í byrjun þessa árs, ásamt syni sínum Þórarni Heiðari Harðarsyni og tengdasyninum Níelsi Adolf Guðmundssyni, hafið sölu á Strandvara og hafa fleiri bátar þegar tekið Strandvara í notkun.

Tækið er stöðugt á vakt og þekkir alla strandlengju landsins niður í smæstu smáatriði og varar skipstjórnarmenn við þegar hætta steðjar að.

Lesa má nánar um Strandvara í blaði 200 mílna sem fylgir Morgunblaðinu í dag.