Morgunblaðið | 21.12.2022 | 7:31 | Uppfært 8:36

Enn er lokað á Mosfellsheiði og Suðurstrandarvegi

Snjóruðningsbíll var notaður við að losa fasta bíla á Mosfellsheiði um síðustu helgi. Ljósmynd/Landsbjörg

Hálka eða hálkublettir eru á flestum leiðum á Suðvesturlandi. Enn er lokað á Mosfellsheiði og Suðurstrandarvegi en Grindavíkurvegur hefur verið opnaður aftur. Þar skefur mikið á köflum og færð getur spillst fljótt.

Suðvesturland: Hálka eða hálkublettir eru á flestum leiðum. Enn er lokað á Mosfellsheiði og Suðurstrandavegi en þæfingsfærð er í Hafnir og þungfært á Vatnsleysuströnd. #færðin
— Vegagerðin | Iceland Roads (@Vegagerdin) December 21, 2022

Fyrir norðan er lokað á Öxnadalsheiði og Þverárfjalli, að sögn Vegagerðarinnar. Á flestum vegum er þungfært, þæfingur, hálka eða snjóþekja og skafrenningur, éljagangur eða snjókoma.