Morgunblaðið | 21.12.2022 | 10:04

Langtímabílastæðin við Leifsstöð opnuð á ný

Fannfergið er gríðarlegt við Leifsstöð og eru enn einhverjir bílar …

Fannfergið er gríðarlegt við Leifsstöð og eru enn einhverjir bílar fastir í snjónum. mbl.is/Eggert Jóhannesson

Langtímabílastæðin við Keflavíkurflugvöll hafa verið opnuð á ný. Gott aðgengi á að vera að bílastæðinu þar sem laus stæði eru.

Í tilkynningu frá Isavia, þar sem frá þessu er greint, kemur einnig fram að teymi á flugvellinum hafi unnið langt fram á nótt og annað sé tekið við til að sinna mokstri við flugstöðina. Enn eru bílar fastir í snjónum á svæðinu en fanngerið er gríðarlegt.

Þá er fólk minnt á að best sé að bóka stæðin fyrir fram á vef Isavia.

[Fara efst á síðu]