Morgunblaðið | 24.12.2022 | 13:22

Moksturstæki fóru af stað í morgun

Snjómokstur í Breiðholti síðustu helgi. mbl.is/Árni Sæberg

Það liggur ekki nokkur vafi á því að jólin í ár verða hvít fyrir þá landsmenn sem ekki hafa lagt land undir fót. Snjó hefur kyngt niður á Suðurlandinu þar með talið á höfuðborgarsvæðinu, sem kætir eflaust marga enda skapar þetta veðurfar afar hátíðlega og jólalega stemningu.

Færðin á götum og stígum batnar þó ekki og hafa ökumenn verið að festa bíla sína í fannferginu.

Frétt af mbl.is

Búast við erfiðum akstursskilyrðum í dag

Hjalti Jóhannes Guðmundsson, skrifstofustjóri reksturs og umhirðu borgarlands, segir að unnið sé nú hörðum höndum að því að halda öllum vegum Reykjavíkur greiðfærum.

Fórtán tæki voru send út klukkan níu í morgun til að moka hjólreiða- og göngustíga, og níu tæki eru nú að störfum við að moka göturnar til að greiða leiðina fyrir bílaumferð.