Morgunblaðið | 25.12.2022 | 12:23

Færð tekin að spillast á Vatnsskarði eystra

Úr vegsjá við Vatnsskarð eystra.

Úr vegsjá við Vatnsskarð eystra. Skjáskot/Vegagerðin

Færð er mjög tekin að spillast á Vatnsskarði eystra þar sem þungfært er og þæfingur. Möðrudalsöræfi og Vopnafjarðarheiði lokað var fyrir umferð fyrir um klukkutíma. Þá var veginum um Mývatnsöræfi einnig lokað.

Þetta kemur fram í færlsu lögreglunnar á Austurlandi og á vef Vegagerðarinnar.

Vegna mikillar úrkomu í nótt hefur færð spillst víða um land. Hálka er á flestum leiðum um Austurland en ófært er á Öxi og Breiðdalsheiði.

Lögreglan hvetur fólk til að fylgjast vel með færð inn á vef Vegagerðarinnar.

[Fara efst á síðu]