Morgunblaðið | 30.12.2022 | 18:30

Fjögurra metra háir skaflar

Snjóruðningarnir eru svo háir að þeir hylja næstum Samkomuhúsið í Sandgerði. mbl.is/Reynis Sveinsson

Það glaðnaði yfir bæjarbúum í Sandgerði þegar þeir fengu hvít jól, en magnið var í upphafi of mikið og næstu daga bætti frekar í. Það er mjög algengt að ef snjóar mikið á Miðnesheiðina og hvessir af norðaustan, þá verði mikill skafrenningur í Sandgerði.

Þannig hefur það verið undanfarna daga með mikilli ófærð í og við Sandgerði. Stærstu skaflarnir voru um fjögurra metra háir og engin tæki fóru í gegnum þá. Götur voru flestar ófærar nema fyrir öfluga jeppa.

Byggðavegur var ófær og þurfti öfluga gröfu til að opna veginn. mbl.is/Reynir Sveinsson

Það hefur verið mikil vinna að ryðja götur með alls konar tækjum. Gripið var til jarðýtu, beltagröfu, tveggja mokstursvéla, fimm traktorsgrafa og þriggja vörubíla sem fluttu snjóinn á hafnarsvæðið.