Morgunblaðið | 1.2.2023 | 13:06

Rannsökuðu hegðun fiska við botnvörpuveiðar

Rannsökuð var hegðun fiska við veiða með botnvörpu. Ljósmynd/Hafrannsóknastofnun

Nýrri rannsókn er ætlað að auka þekkingu á hegðun algengra bornfiska fiska við veiðar með botnvörpu. Rannsóknin fór fram á rannsóknaskipinu Árna Friðrikssyni og var leiðangursstjóri Haraldur Arnar Einarsson, sérfræðingur í veiðafærarannsóknum hjá Hafrannsóknastofnun.

Fram kemur á vef Hafrannsóknastofnunar að talið sé að rann´soknin sýni „glöggt hvernig hegðun fiska af mismunandi tegundum og stærð getur haft áhrif á hvernig þeir komist undan vörpunni. Á venjulegum botnvörpum er hefðbundið að nota svokallaða „rockhoppera“, sem eru einskonar gúmmíhjól sem þó rúlla ekki eftir botninum. Fiskar geta smogið á milli eða undir hjólin en oftast lyfta fiskarnir sér upp og hafna í vörpunni. Þekking á viðbrögðum fiska við botnvörpunni getur því skipt miklu við hönnun veiðarfæra.“

Rannsóknin fór fram með því að settir voru safnpokar á báða vængi og fyrir miðju botnvörpunnar að utanverðu. Var tilgangurinn að sjá hvar fiskur fór undir veiðarfærið og hvort væri munur eftir tegundum eða stærð.

„Smár þorskur og ýsa fór að mestu undir vörpuna fyrir miðju en stærri fiskar af þessum tegundum frekar við vængi. Meiri breytileiki kom í ljós hjá flatfiskum. Þó mátti sjá að skötuselur fór oftast undir vörpuna við vængi eða í nær 80% tilfella,“ segir á vef Hafrannsóknastofnunar.

Unnið að annri vísindagrein

Vísindamenn fjalla um rannsóknina í vísindagreininni „Inferring fish behaviour at the trawl mouth from escape location“ sem birt hefur verið í vísindatímaritinu Aquatic Biology.

Rannsóknin var unnin í samstarfi við vísindamenn við Hafrannsóknastofnunina í Noregi og Hafrannsóknastofnunina í Kanada. Er nú unnið að annarri vísindagrein úr sömu gögnum þar sem fjöldi fiska af þessum tegundum sem fer undir vörpuna er kannaður og gerður samanburður á degi og nóttu.