Morgunblaðið | 9.2.2023 | 15:29 | Uppfært 16:42

Ólíklegt að íslensk loðna rati til Rússlands

Norsk skip landa á Íslandi á hverri loðnuvertíð, en auk þess landa þau í Færeyjum. Þar eru ekki sömu takmarkanir á viðskipti við Rússland mbl.is/Albert Kemp

Fátt bendir til þess að loðna af Íslandsmiðum verði flutt út til Rússlands þrátt fyrir getgátur þar um, að því er fram kemur í Morgunblaðinu. Samkvæmt gögnum sem færeyska hagstofan, Hagstova Forøya, birtir á vef sínum hefur útflutningur sjávarafurða dregist saman svo um munar síðastliðið ár og hefur ekki verið seld loðna til Rússlands síðan 2015.

Fullyrt var í umfjöllun norska blaðsins Fiskeribladet að ekki væri hægt að útiloka að 890 tonna loðnuafli sem skipið Birkeland landaði í Færeyjum myndi enda í Rússlandi, þar sem Færeyingar eru ekki þátttakendur í víðtækum þvingunaraðgerðum gegn Rússlandi.

Staðreyndin er samt sú að útflutningur sjávarafurða til Rússlands frá Færeyjum hrundi í kjölfar innrásarinnar í Úkraínu.

Nánar má lesa um málið í Morgunblaðinu í dag.