Morgunblaðið | 10.3.2023 | 13:51

Ánægja með búnaðinn frá Eyjablikk

Hrognabúnaðurinn hefur reynst Eskju vel. LJósmynd/Eskja

Nýr hrognabúnaður Eskju hefur reynst fyrirtækin og starfsfólki vel á loðnuvertíðinni, en búnaðurinn er að mestu leyti frá Eyjablikk í Vestmannaeyjum og var fyrst tekinn í notkun á loðnuvertíðinni í fyrra samhliða nýs löndunarhúss.

Þetta kemur fram í færslu á Facebook-síðu útgerðarinnar.

Þar segir Tómas Valdimarsson, yfirmaður viðhaldsmála hjá Eskju, að mikil ánægja sé með nýjan búanð fyrirtækisins. „Allt hefur gengið vonum framar, fram að þessu. Það er ekki bara nýji búnaðurinn sem við tókum í notkun, við fórum einnig í að endurnýja allt löndunarhúsið bræðslu meginn þar sem að hrognabúnaðurinn er og endurnýjuðum starfsmannaaðstöðuna. Þetta kemur allt mjög vel út.“