Morgunblaðið | 13.4.2023 | 13:35

Lögreglan vildi ekki handtaka Jón Jónsson

Jón Jónsson er sniðugur textasmiður. mbl.is/Stella Andrea Guðmundsdóttir

Tónlistarmaðurinn Jón Jónsson virðist ekki eiga í erfiðleikum með að semja rómantískan texta, en hann deildi fallegri færslu á Instagram-reikningi sínum í dag sem hefur brætt mörg hjörtu. Tilefnið er afmælisdagur eiginkonu hans, Hafdísar Bjarkar Jónsdóttur.

„Hafdís Björk er 37 ára í dag. Undanfarin misseri hef ég fjórum sinnum gefið mig fram til lögreglu enda alltaf jafn sannfærður um að það hljóti að vera glæpur að eiga langbestu eiginkonu heims.

Lögreglan er sammála mér en þarf frekari sönnunargögn til að setja mig í gæsluvarðhald. Blessunarlega geng ég því laus í dag og get fagnað með minni bestu. Takk fyrir að vera mín, elsku Hafdís Björk mín. Ég elska þig,“ skrifaði Jón til Hafdísar.

View this post on Instagram

A post shared by Jon Jonsson (@jonjonssonmusic)

Jón og Hafdís byrjuðu saman á unglingsaldri, en þau gengu í það heilaga í Dómkirkjunni sumarið 2017 og eiga saman fjögur börn, tvo syni og tvær dætur.