Morgunblaðið | 19.4.2023 | 20:00

Söguleg eign Leonardo da Vinci til sölu

Hér má sjá myndir af verkum Leonardo da Vinci sem er að finna í og í kringum eignina. Samsett mynd/Sotheby's International Realty.

Söguleg eign sem er staðsett í norður–ítölsku borginni Bologna er komin á sölu. Sagt er að umrætt hús hafi verið síðasta heimili listmálarans Leonardo da Vinci á Ítalíu áður en hann fluttist til Frakklands.

Samkvæmt skráningu ítalska fasteignafyrirtækisins Sotheby's International Realty er endurreista heimilið sannkallað töfraland fyrir fagurkera og áhugafólk um list.

Á heimilinu er að finna veggmyndir eftir sjálfan da Vinci ásamt byggingarþáttum frá ítalska endurreisnararkitektinum Aristotele Fioravanti. Húsið sem er skráð á 3,2 milljónir evra nær yfir 6.500 fermetra. Seljandinn er samkvæmt vefsíðunni Wanted in Rome, fyrrum ítalski knattspyrnumaðurinn Guiseppe "Beppe" Signori.

Þá ferðamenn sem dreymir um að eiga heimili á Ítalíu og eru með þrjár milljónir evra til að eyða – ættu að íhuga að kíkja á gamla heimili Leonardo da Vinci og sjá hvort að endurreisnarandinn sé ekki enn við völd.