Morgunblaðið | 25.5.2023 | 11:05

Bjóða almenningi að sjá nýsköpun í sjávarútvegi

Almenningi er boðið til sjávarklasans í dag.

Almenningi er boðið til sjávarklasans í dag. mbl.is/Ófeigur

Sjávarklasinn býður almenningi að „sjá landsliðið í nýsköpun í sjávarútvegi“ í húsakynnum klasans að Grandagarði 16 í dag. Um er að ræða sýningu þar sem yfir 50 aðilar sýna afrakstur vinnu sinnar, að því er segir í tilkynningu.

Hægt verður að kynnast starfi fjölda fólks sem meðal annars gera kollagen úr fiski, veiðar með ljósum, síldarlýsi, sárameðferð með fiskroði, veiðitækni, rafmagnsbáta, fiskleður, siglingakerfi, salt með beinmarningi, þjálfunarhugbúnað fyrir fiskvinnslu, fiskisnakk, fiskidrykki, líforkuver, endurunnin fiskikör, snyrtivörur úr skel og margt fleira.

Opið verður frá 14 til 18 í dag.

[Fara efst á síðu]