Morgunblaðið | 10.6.2023 | 16:00

Afhjúpar leyndarmálið að unglegu útliti á sextugsaldri

Leikkonan Heather Graham lítur stórkostlega út. Samsett mynd

Hin 53 ára gamla Heather Graham gerði allt vitlaust á dögunum þegar hún deildi sjóðheitum bikinímyndum frá ströndinni á Jamaíka með fylgjendum sínum á Instagram. Tíminn virðist standa í stað hjá leikkonunni sem er í fantaformi, en hvernig tekst henni að viðhalda æskuljómanum á sextugsaldri?

Graham hugsar afar vel um heilsu sína með virkum lífsstíl, en hún stundar fjölbreytta hreyfingu eins og jóga, pílates, súludans, hjól og göngur. Hún segir súludansinn hafa komið á óvart, en hún hafi ákveðið að fara í kennslu til vinkonu sinnar til þess að styrkja kviðinn og efri hluta líkamans.

Sefur í níu til 12 tíma á nóttu

Til móts við æfingarnar leggur Graham mikla áherslu á slökun og hvíld, en hún hugleiðir í 20 mínútur daglega og er sögð hafa gert það frá árinu 1992 að því er fram kemur á vef Daily Mail. Þá segir hún fólk oft fá sjokk þegar það kemst að því hversu mikið hún sefur, eða í níu til 12 klukkustundir á nóttu.

Þegar kemur að mataræðinu reynir Graham að forðast sykur, hvítt hveiti og áfengi.