Mætti farðaður á tískusýningu Louis Vuitton
Setja bókamerki
Leikarinn Jared Leto er þekktur fyrir að stela sviðsljósinu á rauða dreglinum enda mikill áhugamaður um tísku og óhræddur að fara sínar eigin leiðir.
Leto lét sig því ekki vanta á tískusýningu Louis Vuitton sem haldin var í Frakklandi á þriðjudag. Leikarinn klæddist öllu hvítu og þar á meðal hvítri kápu sem líkist óneitanlega hótelsloppi.
Leto stillti sér upp fyrir framan myndavélarnar á gyllta dreglinum, en hann var mættur til þess að fylgjast með frumsýningu á nýjustu herralínu Louis Vuitton, sem er eitt verðmætasta lúxusvörumerki í heimi. Tískusýningin var hluti af Paris Fashion Week sem nú stendur yfir.
Leikarinn vakti að venju mikla athygli fyrir útlit sitt og klæðnað, en leikarinn var með eldrauðan og gulan augnfarða sem lét skærblá augu leikarans ljóma.
Á viðburðinum sat Leto við hlið raunveruleikastjörnunnar Kim Kardashian, en hún klæddist „pixluðu“ spandex–setti og glærum hælaskóm. Það virtist fara vel með stjörnunum, en þau sáust spjalla fyrir og á meðan sýningunni stóð.
/frimg/1/10/19/1101942.jpg)
/frimg/1/44/49/1444974.jpg)
/frimg/1/43/41/1434138.jpg)
/frimg/1/40/99/1409938.jpg)
