Morgunblaðið | 10.7.2023 | 20:00

Ofurkroppur sólar sig á St. Tropez

Zac Efron nýtur lífsins í Suður-Frakklandi.

Zac Efron nýtur lífsins í Suður-Frakklandi.

Hollywood–stjarnan Zac Efron virðist vera að njóta lífsins á St. Tropez í suður Frakklandi en það er vinsæll ferðamannastaður meðal hinna frægu og ríku.

Leikarinn er þessa dagana að baða sig í sólinni ásamt góðum vinum og gista félagarnir um borð í lúxussnekkju.

Efron sást meðal annars leika sér á sæþotu enda þekktur ævintýramaður. Leikarinn hefur frá árinu 2020 stjórnað þáttaseríunni Down to Earth With Zac Efron, en í henni ferðast hann um heiminn í leit að ólíkum leiðum til þess að lifa heilbrigðu og sjálfbæru lífi.

[Fara efst á síðu]