Morgunblaðið | 13.7.2023 | 16:00

Klæddi sig niður fyrir Barbí

Sam Smith fangaði athygli frumsýningargesta Barbie í Lundúnum. Ljósmynd/AFP

Söngvarinn Sam Smith fangaði athygli gesta og gangandi á frumsýningu kvikmyndarinnar Barbie í Lundúnum á dögunum.

Frétt af mbl.is

Tryllast yfir klæðnaði Sams Smiths

Smith, sem er þekktur fyrir að fara óhefðbundnar leiðir í fatavali sínu, klæddi sig niður í tilefni frumsýningarinnar og mætti í dökkblárri 16 XL háskólapeysu og pokalegum gallabuxum sem tónaði ekki við bleika dregilinn né Barbí-andrúmsloftið.

Netverjar gerðu óspart grín að söngvaranum, sem á lag í kvikmyndinni um vinsælu Mattel-dúkkuna, í kjölfar mynda sem birtar voru af Smith á bleika dreglinum, en mörgum þótti söngvarinn sýna aðstandendum og aðdáendum kvikmyndarinnar óvirðingu með fatavali sínu.

Frétt af mbl.is

Heitustu stjörnurnar á bleika dreglinum

„Wtf! Smith valdi frumsýningu Barbie til að klæðast þessu, bara skrýtnum venjulegum fötum!“, skrifaði einn netverji, sem skildi hvorki upp né niður í söngvaranum. „Hættu þessu, Smith! Þetta er ekkert annað en voðaverk,“ skrifaði annar.