Morgunblaðið | 19.7.2023 | 14:55

TikTok flýti sér að innleiða ný lög

Thierry Breton, framkvæmdastjóri markaðsdeildar Evrópusambandsins, segir að nú sé tími kominn fyrir TikTok að hlýða lögum ESB. Samsett mynd

Setja bókamerki

Thierry Breton, framkvæmdastjóri markaðsdeildar Evrópusambandsins, hvetur samfélagsmiðilinn TikTok til þess að flýta fyrir innleiðingu nýrrar lagasetningar um skaðlegt efni á miðlum.

Lög um stafræna miðlun (DSA) miða að því að tæknifyrirtæki verði að fjarlægja skaðlegt efni af vefsíðum sínum.

DSA er seinni liður í aðgerð sambandsins til að koma á reglum yfir vefmiðla. Listinn yfir bannað efni spannar allt frá hatursorðræðu, vísvitandi rangfærslum til barnakláms. Lögin eiga að taka gildi í næsta mánuði.

Frétt af mbl.is

Vilja temja hið „villta vestur“ netheima

„Nú er tími til að hlýða“

Í gær framkvæmdi TikTok svokallað „álagspróf“ á kerfunum sínum til þess að sjá hvort samfélagsmiðillinn gæti hlítt nýju lögunum. Í kjölfar prófsins hringdi Breton í Shou Zi Crew, forstjóra TikTok, til þess að spyrja hvernig fór og varaði hann við: „Nú er tími til að hlýða alveg.“

Í júní sendi Breton svipuð skilboð til samfélagsmiðilsins Twitter, sem framkvæmdi einnig slíkt „álagspróf“ til að athuga hvort miðilinn gæti fjarlægt það efni sem grunað er um að vera óheimilt á Twitter.

DSA-lög Evrópusambandsins urðu að lögum í nóvember. 19 stærstu tæknifyrirtæki heims, þar á meðal Amazon, Apple, Google, Meta og Microsoft hafa þar til 25. ágúst til þess að innleiða lögin.