Morgunblaðið | 28.7.2023 | 11:58 | Uppfært 12:22

Biður hluthafa afsökunar

Finnur Árnason, fráfarandi stjórnarformaður stjórnar Íslandsbanka, flutti ávarp. mbl.is/Eyþór

Finnur Árnason, fráfarandi stjórnarformaður stjórnar Íslandsbanka, biður hluthafa Íslandsbanka afsökunar á slakri framkvæmd bankans við söluna á 22,5% eignarhlut ríkisins í bankanum sem fram fór í mars í fyrra. Hann segir málið hafa verið áfall fyrir stjórn bankans.

Þetta kom fram í máli hans á hluthafafundi Íslandsbanka sem hófst klukkan ellefu í dag. Finnur fór við sama tækifæri yfir sátt Íslandsbanka við fjármálaeftirlit Seðlabanka Íslands.

Frétt af mbl.is

Stjórnarkjör Íslandsbanka í skugga sáttar

Í júní var greint frá því að Íslandsbanki hefði gengist við því að hafa ekki starfað fyllilega í samræmi við eðlilega og heilbrigða viðskiptahætti og venjur í verðbréfaviðskiptum vegna framkvæmdar á útboðinu sem fór fram. Féllst bankinn á að greiða 1,2 milljarða króna í sekt vegna málsins. Um er að ræða langhæstu sekt sem lögð hefur verið á fjármálafyrirtæki hér á landi.