Morgunblaðið | 31.7.2023 | 14:44

„Við erum að kaupa öflugt heilfrystiskip“

Grænlenski frystitogarinn Tuukkaq verður ný Þerney RE-3. Ljósmynd/Brim

„Við erum að kaupa öflugt heilfrystiskip og er með línu til heilfrystingar. Við erum fyrst og fremst að líta til þess að geta beitt okkur meira á tegundir sem eru ekki meðal þessara hefðbundnu flakategunda,“ svarar Ægir Páll Friðbertsson, framkvæmdastjóri Brims, spurður hver hugsunin er að baki kaupunum á grænlenska togaraum Tuukkaq.

Gengið var frá samningum um kaup Brims á togaranum nýverið.

Frétt af mbl.is

Brim kaupir togara á 2,9 milljarða

Ægir Páll segir að til standi að nýta skipið til að veiða á grálúðu, gulllax og karfa. Bendir hann þó á að bundar séu vonir við að frekari niðurskurður í karfakvótanum verði ekki umfangsmikill. Þá hafi einnig verð verið fín fyrir grálúðuna en veiði gengið misvel undanfarið. Þá eru einnig töluvert af heimildum í gulllax.

Frystitogarinn Örfirsey RE-4 hefur verið settur á sölu en hann er 13 árum eldri en hinn nýi sem mun fá nafnið Þerney RE-3. Þerney var smíðuð 2001 og er aðeins lengri og nokkuð breiðari en Örfirsey.