Morgunblaðið | 9.8.2023 | 13:16 | Uppfært 14:51

300 milljóna króna afla landað á Sauðárkróki

Arnar HU landaði 771 tonna afla í nótt. ÞAð er mesti afli sem skipið hefur landað það sem af er fiskveiðiári. Ljósmynd/FISK Seafood

Frystitogarinn Arnar HU1 kom til hafnar á Sauðárkrókí nótt með með 771 tonna afla og er þetta mesti afli sem togarinn hefur landað á fiskveiðiárinu, samkvæmt skráningu Fiskistofu.

Fram kemur í færslu á vef FISK Seafood, sem gerir Arnar út, að aflaverðmætið sé um 300 milljónir króna.

„Við fórum frá Sauðárkróki 9. júlí og höfum verið að veiðum í fínu veðri allan túrinn, á Vestfjarðarmiðum og Suðvesturmiðum. Það hefur aðeins verið vart við ufsa og mikið af gullkarfa og ýsu. Það verður landað 19.500 kössum og 300 milljónum,“ segir Guðmundur Henry Stefánsson, skipstjóri á Arnari, um túrinn í færslunni.

Síðast landaði Arnar 6. júlí og nam aflinn þá 584 tonnum