Morgunblaðið
| 19.8.2023
| 10:23
Flugskeyti Rússa hafnaði á háskóla og leikhúsi
Selenskí segir óbreytta borgara særða og látna vegna flugskeytis Rússa sem hafnaði í borginni Chernihiv í dag.
AFP
Setja bókamerki
Forseti Úkraínu, Volodimír Selenskí, segir að óbreyttir borgarar hafi látist og særst er Rússar skutu í dag flugskeyti í átt að borginni Chernihiv, sem liggur um 150 kílómetra norður af Kænugarði. Flugskeytið hafnaði á torgi nálægt háskóla og leikhúsi. AFP greinir frá.
Dagur sársauka og missis
„Þetta var venjulegur laugardagur sem Rússland ákvað að breyta í dag sársauka og missis,“ sagði Selenskí í samtali við fjölmiðla í morgun.
Forsetinn hefur birt myndband af vettvangi sem sýnir rusl í kringum stóra byggingu frá Sovéttímanum og kyrrstæða bíla í kringum sem eyðilögðust að hluta.
