Morgunblaðið | 8.9.2023 | 11:15 | Uppfært 12:44

Segir Hval hafa reist ólöglega rafmagnsgirðingu

Kvikmyndatökumaðurinn Micah Garen segir girðinguna brjóta á almannarétti Íslendinga. mbl.is/Eggert Jóhannesson

Hvalur hf. hefur stækkað það svæði við hvalstöðina í Hvalfirði sem girt er af með rafmagnsgirðingu. Girðingin hefur gerir myndatökumönnum erfiðara fyrir að taka myndir af hvölunum og verkun þeirra, sem er í eðli sínu nokkuð blóðug.

Hvalveiðibátarnir Hvalur 8 og 9 höfnuðu við hvalstöðina í morgun og veiddust þrír hvalir á túrnum. Fjölmiðlar hafa margir sent sína fulltrúa á svæðið, þar á meðal mbl.is.

Kvikmyndatökumaðurinn Micah Garen mbl.is/Eggert Jóhannesson

Mótmælendurnir Elissa Biou og Anahit Babaei eru mættar á vettvang. Einnig hefur kvikmyndatökumaðurinn Micah Garen, kvikmyndagerðarmaður og aðgerðasinni verið við upptökur á svæðinu en hann vill meina að girðingin sé í raun „ólögleg“.

Frétt af mbl.is

„Tvær erlendar konur með læti“

„Sinnir engum tilgangi“

„Kristján setti nýlega upp girðinguna til þess að hindra fólk frá því að taka myndefni af þessu. Girðingin sinnir engum tilgangi, það er engin vinna sem er gerð hérna á svæðinu,“ segir Garen við mbl.is.

Hvalskurður í fyrra, 2022. mbl.is/Eggert Jóhannesson

Garen segir að það sé heldur ekki neitt hlið á girðingunni sem sé brot á almannarétti íslendinga, sem er sá réttur almennings til frjálsra afnota af landi og landsgæðum og til farar um land og sjó.