Morgunblaðið
| 13.10.2023
| 17:45
Góður fundur til að ræða ágreining
Sigurður Ingi á Þingvöllum í morgun.
mbl.is/Árni Sæberg
Setja bókamerki
„Þetta var mjög góður fundur. Eindregni og samstaða. Verkefnið fram undan er stórt og sá mikli árangur sem þessir flokkar hafa náð á síðastliðnum sex árum er góður grunnur að því að klára kjörtímabilið,“ segir Sigurður Ingi Jóhannsson innviðaráðherra og formaður Framsóknarflokksins, að loknum vinnufundi stjórnarflokkanna á Þingvöllum.
Nú hefur mikið verið talað um ágreining innan stjórnarflokkanna, er það eitthvað sem var tekið fyrir á fundinum?
„Já, þetta var einmitt mjög góður fundur til þess. Svona vinnufundir þessara sameiginlegu þingflokka eru auðvitað eins og vinnufundir í fyrirtækjum og félögum. Hann er gerður til þess að þétta raðirnar, til þess að fólk geti talað saman um hvað betur má fara. Þessi fundur var mjög góður í því.“
