Morgunblaðið | 29.12.2023 | 8:00

Tvíhöfði og lífleg orkumálaumræða

Búast má við líflegum umræðum um orkumál í Spursmálum í dag þegar Björg Eva Erlendsdóttir framkvæmdastjóri Landverndar og Sigríður Mogensen sviðsstjóri hjá Samtökum Iðnaðarins mæta í settið til Stefáns Einars. Þá mun Tvíhöfði rýna í árið sem er framundan. Samsett mynd

Setja bókamerki

Orkumálin verða í brennidepli í Spursmálum í dag þar sem þær Björg Eva Erlendsdóttir frá Landvernd og Sigríður Mogensen frá Samtökum iðnaðarins mæta til að ræða um stöðuna sem er komin upp í orkumálum hér á landi. Þá munu þeir Jón Gnarr og Sigurjón Kjartansson rýna í árið sem er fram undan.

Hægagangur í meðferð virkjunarkosta innan rammaáætlunar hefur verið gagnrýndur harðlega og orkuskömmtun hefur verið undanfarin ár. Dæmi eru um að fyrirtæki hafi þurft að fjárfesta í olíukatli til að tryggja varaafl þegar ekki er til næg raforka. Staða sem hefur þótt bagaleg í ljósi markmiða stjórnvalda um orkuskipti.

Stefán Einar mun fara yfir stöðuna með þeim Björgu Evu og Sigríði sem koma úr ólíkum áttum þegar kemur að orkunýtingu.

Þá mun Tvíhöfði rýna í næsta ár.

Spursmál verða í beinu og opnu streymi hér á mbl.is kl. 14 í dag.