Vilja lög til að ýta við virkjunum
Setja bókamerki
„Þetta er orðið þjóðaröryggismál […] það þarf lagasetningu. Þess vegna er kannski líka ákall um að ráðherrann leggi fram mál sem tengjast þessu.“
Svofelldum orðum fer Ingibjörg Isaksen, þingflokksformaður Framsóknarflokksins, um þá stöðu sem upp er komin í orkumálum þjóðarinnar. Hún segist bíða eftir frumvörpum frá umhverfis-, loftslags- og orkumálaráðherra sem greiða muni götu mála sem tryggt geti að frekari orkuöflun geti átt sér stað.
Ingibjörg er gestur í nýjasta þætti Spursmála ásamt Brynjari Níelssyni, fyrrum alþingismanni og aðstoðarmanni dómsmálaráðherra.
Bendir hún á að langt hafi verið gengið í friðlýsingu stórra vatnasvæða, ekki síst á tímum vinstristjórnarinnar sem sat á árunum 2009-2013, og að ráðherra þurfi að ráðast í að aflétta þeim miklu takmörkunum sem settar voru á orkuöflun á þeim svæðum.
Brynjar segist hafa verið gagnrýninn á ráðherra málaflokksins fyrir að ekki hafi verið nóg að gert. Hann telur þó einsýnt að þingmenn VG muni standa í vegi fyrir því að hægt verði að hefja framkvæmdir við nýjar virkjanir í landinu.
Kyrrstaðan verði rofin
Á sama tíma segir hann ekki tímabært að tala um stjórnarslit vegna þessa máls eða annarra. Telur hann hæfilegt að veita VG tímafrest fram á vorið til þess að sýna á spilin. Þá þurfi samstarfsflokkarnir að hafa fullvissu fyrir því að kyrrstaða í þessum málaflokki verði rofin, auk þess sem tekist verði á við stór álitamál sem meðal annars tengist útlendingamálum.
Viðtalið við Ingibjörgu og Brynjar má sjá og heyra í heild sinni hér:
/frimg/1/49/94/1499431.jpg)
/frimg/1/49/92/1499257.jpg)
/frimg/1/49/57/1495784.jpg)
/frimg/1/46/55/1465523.jpg)
