Mikið um harða árekstra í „núll skyggni“

„Það er búið að vera mikið um árekstra í morgun og mikið um harða árekstra. Ég kenni að stórum hluta þessum blindbyl sem kom áðan. Það var bara núll skyggni,“ segir Kristján Kristjáns­son, fram­kvæmda­stjóri Árekst­urs.is, í samtali við mbl.is. 

Frétt af mbl.is

Reykjanesbraut lokuð í báðar áttir

Eins og greint hefur verið frá þá gekk umferðin á höfuðborgarsvæðinu hægt í morgun, enda færðin slæm og, eins og Kristján bendir á, varð alveg blint um tíma sem gerði ökumönnum erfitt fyrir. 

„Ég varð sjálfur vitni að því þegar fólksbíll stoppaði úti í kanti, eða bara á götunni, og setti bara hazard-ljósin á og stóð á bremsunni. Fólk gat ekki keyrt,“ segir Kristján um ástandið í umferðinni þegar veðrið var sem verst. 

Kristján segir að frá því klukkan átta í morgun hafi orðið um það bil 20 árekstrar á höfuðborgarsvæðinu. Hann telur að um átta bifreiðar séu ónýtar eftir árekstra morgunsins. 

Aðspurður segir hann að meiðsl á fólki í þessum umferðaróhöppum hafi verið minniháttar. 

Frétt af mbl.is

„Bíða okkar 30 árekstrar um alla borg“