Morgunblaðið | 26.1.2024 | 7:15 | Uppfært 11:27

Takmarkað skyggni á höfuðborgarsvæðinu

Samsett ratsjár- og tunglmynd/Veðurstofa Íslands

Bakki með samfelldri snjókomu stefnir nú óðfluga á suðvestanvert landið. Reiknað er með takmörkuðu skyggni á meðan bakkinn gengur yfir.

Á höfuðborgarsvæðinu má gera ráð fyrir að hann verði á ferðinni milli klukkan 8 og 10.

Þetta kemur fram í tilkynningu frá veðurfræðingi Vegagerðarinnar. Ástæða er til að brýna vegfarendur að fara að öllu með gát.

Segir í tilkynningunni að búast megi við ekki ósvipaðri færð og ökumenn máttu kynnast í síðdegisumferðinni í gær.

[Fara efst á síðu]