Morgunblaðið | 16.2.2024 | 6:50

Ekki fannst nóg af loðnu fyrir kvóta

Uppsjávarskipið Polar Ammassak er að ljúka loðnuleit.

Uppsjávarskipið Polar Ammassak er að ljúka loðnuleit. Ljósmynd/Síldarvinnslan: Sigmund av Teigum

Staðfest er að loðnuganga er á ferðinni suðaustur af landinu, en magnið sem fundist hefur gefur ekki tilefni til þess að loðnukvóti verði gefinn út að sinni. Þetta segir Guðmundur J. Óskarsson, sviðsstjóri uppsjávarsviðs Hafrannsóknastofnunar, í samtali við Morgunblaðið.

Hafrannsóknaskipið Bjarni Sæmundsson og uppsjávarskipið Polar Ammassak voru send í Rósagarðinn, fiskimið suðaustur af landinu, í fyrrakvöld, þar sem loðnu hafði orðið vart að því er talið var. Sýni úr göngunni náðust og staðfest er að um loðnu var að ræða.

„Það er ekki stór ganga þarna á ferðinni og hún er ekki að fara að breyta neinu,“ segir Guðmundur.

Hægt er að nálgast umfjöllunina í heild sinni í Morgunblaðinu í dag.

[Fara efst á síðu]